الرجاله اتجننو

الرجاله اتجننو

هو فى ايه

يا جماعة بجد الرجالة بيتحرق دمهم اوى على الماتشات والكورة


مش زينا الستات خالص

وبعدين لما بييجى جون تلاقيه الرجالة تنط لفوق هيخبطوا فى السقف يا عينى


والخناقات فى البيت بقى هنسمع المسلسل ولا الماتش

تخيلوا 22 راجل عاملين عقلهم بعقل حتة بتاعة مدورة كده وعمالين يجروا وراها بيحرقوا فى دم رجالة مصر كلها

بس المرة دى البلد فرحت

وحسنى مبارك راح استقبل المنتخب فى المطار

لكن لما تحصل حاجة كبيرة فى البلد ولا مصيبة يبعت احمد نظيف

طيب ليه

وجمعوا تبرعات كتير اوى

تحس ان مسيحيين البلد طلعت عشورها للمنتخب والمسلمين كمان زكوا على الفوز

طيب ما تعملوا مستشفيات نضيفة

مدراس كويسة

هاتوا مساكن للشباب

اعملوا بالفلوس دى حاجات تانية ليها فايدة


فيها ايه الكورة فى العاب جماعية تانية كتير مش بتحبوها كده ليه زى الكورة

وبعدين تلاقيهم بيتخانقوا الاهلاوية يتخانقوا فى الزمالكاوية

بيتشطروا على بعض

تقولهم روحوا لاعبوا البرازيل ولا فرنسا ولا ايطاليا بتتشطروا على بعض ليه طيب


نداء الى كل رجال مصر


حبوا كل فى حاجة البلد زى ما بتحبوا الكورة كده مصر هتبقى جنة بجد
وندرا عليا لو وصلنا لنهائيات كاس العالم بس لادبح خروف

من مذكرات شابه مفروسه

منقول

المصدر: منتدى اسره مارمينا الادبيه

---

hgv[hgi hj[kk, hgvohli hj[kk,

ماهما مجانين من زمان
بس بصراحه ساعه كاس الامم الافريقيه البلد كلها اتجننت ياحرام اصلهم حرمنا من الفرح ومدقوا لاقوا حاجه تفرحهم حتي ولو مطش كوره
ميرسي للموضوع الجميل ربنا يعوضك

عندك حققققق دة انا كرهة الكورة ههههههه

انا هبقى من اول الرجاله المؤيدين للموضوع

انا بلعب الكوره بس انا مش من المتعصبين بتوع الكوره

الحمد لله ان مافيش كورة قدم سيدات في مصر كانوا الرجاله الى في المنتدى ردوا علينا............بس مش كل الرجالة مجانين في ربع لسه ساليم ههههههههههههه

انا بجد عجبنى اوى الموضوع ده بس على فكره مش كل الرجاله اتجننو و مش كل الستات عقلين لان فى ستات و بنات كتير اوى بيحبو الكوره اكتر من الرجاله و انا على فكره مشجعه اهلاويه جامده اووووووووووى و بحب الاهلى اووووووووووى ده غير فرق اوربا طبعا بس هو الموضوع ان الواحد منا لازم يهدى اصل الكوره دى مش اخر الدنيا يعنى ولا انتو ايه رايكوووو؟؟؟؟؟؟؟؟؟
ميرسى اوى للموضوع و ربنا يبارك حياتكم و خدمتكم

ايه ده انتوا مطلعين عيننا هنا ليه كده
ههههههههههههههههههههههههههه
اصلوا اصلا مفيش حاجة الرجال تعملها وهما محتاجين اى اى اى حاجة تفقرحهم لما صدقوا بقى

على فكره انا مش شايفه ان الكوره وحشه خالص ماهى مصر مفيش حاجه نشره اسمها ومعلياه اكتر حاجه غير الكوره وال22 راجل اللى مش عاجبينك هما اللى رافعين اسمها
وعلى فكره زى ما هو فى رجاله بتشجع فى كمان ستات كتير بيشجعو
ومين قال ان مصر او المصريين مش مهتمين بباقى الرياضات لو دورتى كويس هتلاقى ان كل حاجه واخده حقها
وبجد ياريت متزعليش من اسلوبى اصه ناشف شويه

على فكره بقى متزعليش منى لعب الكره فى منتهى الجمال قمة المتعة لما تقعدى تتفرجى على متش كرة انا عن نفسى كبنت بعشق حاجة اسمها اهلى وكرة قدم وبحترم البنت اللى تتفرج على الماتشات لان بجد الكرة دى رياضة جميلة جدا واللى يتفرج عليها اكيد هو الكسبان ومين قلك ان احنا مش بنحب كل حاجة فى مصر زى الكره بالعكس احنا بنعشق ترابها وعلى فكرة تصفيات كأس العالم مش بعيدة على منتخبنا اكيد هنوصل فى يوم بس لو انا وانتى وكل الناس رجالة وستات شجعناهم بقلوبنا ووقفنا جنبهم بجد وعلى فكرة مش معنى كلامى اننا نشجع بتعصب معلش انا اسفة بس انا اتعودت اقول رأى بصراحة